sodala... nachdaem me mer scho het gseit i sigi schlimmer aus de strub wes drum geit neui sache z poste hani das nid uf mir choenne la sitze...:)
hie isches tou gmuetlech. i ha vom haubi 10 bis am viertuvor 1 schueu und naer no vom 2 bis am 4, aber das o nume am mo, di, mi. bi auso viu irgendwo ir stadt am kaefele, irgendweuchi riiise chischtene vo chiuchene azluege oder eifach ir gaegend ume z spaziere.
i wohne bire 'family' wo d ching scho aui usser huus und d eutere praktisch nie deheime si. isch aber glich vou easy und es ergaebesech gueti gspraech... (wesi mau hie si) -> di franzoesischi tastatur geitmer ufe sack!! waer tuet scho z komma ufe 'm' und der 'q' ufe 'a'. *grrrrr*
und bi mir wohnt no e andere 'studaent'. wone z erschte mau ha gfragt, wazser macht heter mer gseit aer sigi im militaer bide amis... denn hamer no nid auzu viu drunger daenkt, naer hetsech aber de usegsteut; daser kommandant vor airforce in ganz afrika isch... de bini doch de grad e bitz baff gsi.
ir schueu hez e raecht grosse mix vo luet: der airforce-guru mit ere delegation vo 10andere militaers (het o marines, army- und navy-fritze); der schwed miter schenkenberg-friise und der gucci-handtaesche, wo naebebi ono der cousin vom schenkenberg isch; der versifft luzaerner wo bis uf 'bonjour' kes wort usebringt, sech aber glich us fortgschritte bezeichnet; d aargouere wo so richtig kultur-geil isch und jedi chiuche mitere hypersupermegagigagaga guete kamera vom modaeu XDC24... der raeschte hqni vergaesse stuermt; der japaner womer jede morge seit wie schoen doch zermatt und luzaern si -> was ufder angere site de luzaerner wider umso meh freut; der spanier wo doch eigentlech gar nid franz sondern russisch ir schueu het woeue lehre, sini eutere aber zwunge hei das z mache und das jedem woner gad id finger ueberchunnt unger d nase ribt... und no vili vili meh. das si so di erschte idrueck vode luet wo i mine kuers si... (wott gar nid wuesse wie die mi wuerde beschribe... oepe der 'hyperaktiv kaffee-addo vo e platte gfraesse het' looool)
es isch oemu luschtig!
schribetmer chli was dir so schoens/weniger schoens machet!
bis gli wider im schwitzle!!!
greetz loeru
Abonnieren
Kommentare zum Post (Atom)
1 Kommentar:
hey hou! wie laufts? isch mi euch dört im weste o so schöns wetter wie hie? es isch richtig summer-stimmig. ha mir zerschte mau di blog agluegt und mau so gläse, wies so lauft bi dir. wet mi zersch no mau entschuldige, dassi nid ha chönne cho, letscht wuche, dir cho tschüss säge. aber i denke mir gseh üs sicher nach dim trip wieder. he, bisch sicher, dass du franz lernsch, wenn du vo amis, schwizer und schwede verzellsch? momou, muesch dir eifach e hübschi französin alache, und denn lauft das franz vo elei! hehe, i ha am DI mini alge und pilzli prüefig. denksch de chli a mi. :-) ja, auso, meld di wieder und i chume ab und zue mau cho ine luege, was du so tribsch!
prost!
lea
Kommentar veröffentlichen