Biarritz ich komme!!! (schribtme das eso??)

sodala... ha huet wider mau e degustation gha... hetmer aber dasmau gar nid passt. erschtens heimer sone qrrogante duetsche ir gruppe gha wo z mu nid het zuebracht und geng bloedi frage het gsteut... bismerne naer hei z bode gmotzet.lol iz heter di gsammti schwizer fraktion geagesech ufbracht... und das isch ke gueti idee... zuesatzlech het der eint wy zapfe gha und der ander isch wie aproz-minerauwasser mit holunderbluete-aroma gsi. aso eiduetig gruusig!!!


die wuche steit e trip nach Bayonne und Biarritz ufem programm! das isch zaeme mit hossegor z surf-mekka vo frankrich. mache oemu d badeshorts und z tuechli parat!! wird super! strub, bisch nid der einzig wo cha surfe! heheheeee schickmer es paar waeue!
www.biarritz.fr
www.ripcurl.eu/?men

ueberchume naechscht zuche e aenglaender bi mir iz huus... wo 41i isch!!! super! (isch naebebi ironisch, es soeu ja immer no luet gae wo mit mim humor nid z schlag choeme, gaeu!)

@spicher: chli; pummelig; schnaeu bsoffe *g*; und leider weder jung und knackig no zum erbe geignet...lol

@doema@nica: bim kommentar schribe muesme sech nid amaeude. dir klicket eifach unger uf 'Name/URL', gaebet d buechstabekombination a und scho isches postet...lol 'se tre coplike, cua!!' grinz

auso. huet leider chli churz! mues no Barça:ManU luege... nid dases mi gross wuerdi interessiere. gruppedruck. bis gli
Loeru

Médoc, Pessac... oder doch St.Emilion???

jajaaa... das wy-teschte, pardon! degustiere, het doch sini qualitaete... me lehrt doch geanz wichtigi usdrueck! heiter zu,m bispiu scho mau e wy gha wo ir nase oder im mu der gschmack vo huehnerstau het gha??? oder geisse-kacke??? gummiband??? bruchti ungerhose??? isch oepis wuerklech spannends. und wes naer no heiss isch im zimmer undme immer e chli vorsech ane glueggerlet de ischme doch bau mau imene schwaer agheiterete zuestand... hetme zuesaetzech none spaniere naebe sich wo normalerwis ke wy trinkt wirds no luschtiger wueu si nachem erschte glas scho het afa spanischi voukslieder singe!! guet.. nachem dritte glas heimer de aui gsunge. isch auso me aus amuesant gsi!!! gibenech e chlini choschtprob:

wy #1(vo 4) Rose Pessac-Léognan
1. farbe: leichtes himbeer rosa

2. intensitaet: mittelmaessig

3. klarheit: transparent

4. saeuregehalt: kristallin, da sech keni blaesli biude (schaempis waeri z gaegeteu... wotti eigentlech gar nid wuesse...lol)

5. fluessigkeit: leicht oelig

6. geschmack in der nase: 1. nase: (nach einschenken) tierhaut; moschus; nasses holz; essig; apfelwein; geranium; akazie; pflaume; cassis; brombeere
2. nase (mal so richtig durchschuetteln) zuesaetzlich aprikose; mango; caramel; rose

7. geschmack im mund (inklusive schluerfen, sabbern, schmatzen etc.) 1. vor schluerfen etc: zimt; saure milch; gruener apfel; schwarze kirsche; cassis; gruener pfeffer
2. nach schluerfen etc: sandstein; (strassen-)teer; wilde rose; banane und kuemmel

8. aggressivitaet auf der zunge: 3 'caudalies' (sone wy-gschmacks-einheit)

9. passt guet zu chaes

das isch doch no oepis! goetmer mau so e wy ga sueche! im aendeffekt ischer aber fein gsi. o we di analyse raecht abschreckend isch... ha am schluss ke ahnig me gha wases iz eigentlech fuerne wy isch gsi... bon... mir si denn eh aui besueselet gsi... lol

und am fritig gani es wy-kaff ga aluege, am sunntig bini iglade fuerne degustation 'unger kenner' bimene oenolog (wy-guru) und naechscht wuche geits witer mit wy trinke ir schueu... isch, wie dir gseht, luschtig hie!!!

und leider het der herr kammerma bi sire abreis z kabu fuerd kamera vergaesse.(nei mami, mueschmers nid schicke;-) auso ueberchoemeter ersch biuder weni wider ir suisse bi!

@lea: pilzli und auge choenne???lol

gueti zit u bis gli
eue oenolog lorenz ;-)

jajaaaaa... die amis...

sodala... nachdaem me mer scho het gseit i sigi schlimmer aus de strub wes drum geit neui sache z poste hani das nid uf mir choenne la sitze...:)

hie isches tou gmuetlech. i ha vom haubi 10 bis am viertuvor 1 schueu und naer no vom 2 bis am 4, aber das o nume am mo, di, mi. bi auso viu irgendwo ir stadt am kaefele, irgendweuchi riiise chischtene vo chiuchene azluege oder eifach ir gaegend ume z spaziere.
i wohne bire 'family' wo d ching scho aui usser huus und d eutere praktisch nie deheime si. isch aber glich vou easy und es ergaebesech gueti gspraech... (wesi mau hie si) -> di franzoesischi tastatur geitmer ufe sack!! waer tuet scho z komma ufe 'm' und der 'q' ufe 'a'. *grrrrr*
und bi mir wohnt no e andere 'studaent'. wone z erschte mau ha gfragt, wazser macht heter mer gseit aer sigi im militaer bide amis... denn hamer no nid auzu viu drunger daenkt, naer hetsech aber de usegsteut; daser kommandant vor airforce in ganz afrika isch... de bini doch de grad e bitz baff gsi.
ir schueu hez e raecht grosse mix vo luet: der airforce-guru mit ere delegation vo 10andere militaers (het o marines, army- und navy-fritze); der schwed miter schenkenberg-friise und der gucci-handtaesche, wo naebebi ono der cousin vom schenkenberg isch; der versifft luzaerner wo bis uf 'bonjour' kes wort usebringt, sech aber glich us fortgschritte bezeichnet; d aargouere wo so richtig kultur-geil isch und jedi chiuche mitere hypersupermegagigagaga guete kamera vom modaeu XDC24... der raeschte hqni vergaesse stuermt; der japaner womer jede morge seit wie schoen doch zermatt und luzaern si -> was ufder angere site de luzaerner wider umso meh freut; der spanier wo doch eigentlech gar nid franz sondern russisch ir schueu het woeue lehre, sini eutere aber zwunge hei das z mache und das jedem woner gad id finger ueberchunnt unger d nase ribt... und no vili vili meh. das si so di erschte idrueck vode luet wo i mine kuers si... (wott gar nid wuesse wie die mi wuerde beschribe... oepe der 'hyperaktiv kaffee-addo vo e platte gfraesse het' looool)
es isch oemu luschtig!
schribetmer chli was dir so schoens/weniger schoens machet!

bis gli wider im schwitzle!!!
greetz loeru