rafting shopping eating... what else does one need...?

wi di it vergeit isch eifach wahnsinn... ize bini scho me aus e wuche hie, ha so viu lut wider gseh und ha doch no so viu vor...

ha hut am morge de klibi ufe flughafe ta... neeeei. nid dasi am 4i hatti muesse ufstah oder so... aber ja. isch ja glich... bi iz omu scho de ganz tag schon schissig druff u ma gad gar nut mache. auso stopfimi vou mit pseudo biologischem junk food und bi am buech lase... lol

letschte donschtig, nachdami de klibi ha abgout simer gad dirakt ufe fluss eis ga rafte. isch wie imme eifach super gsi. es paarmau hez doch de biz e heikleri situation ga... wo zum bispiu de guide usem boot isch gfloge oder wo z boot nid das gmacht het wos hatti soue. biuder sotte bau mau uf facebook si... lol de klibi hetsech doch de aube lieber chli id mitti vom boot zrug zoge wos branzlig isch worde... hehe de if het omu o tou wasser gschluckt! hihiiiiii (*schadenfreu*)

am fritig nar hez de di grossi re-union party ga. es si enorm viu lut cho woni sit mim jahr nut me vone ha ghort. isch es usladends gelage gsi... wo nar de im hot tub gandet het. es si so viu lut im pool ghocket daser isch ubergloffe.

samschtig und sunntig isch nar SF dranne gsi. het guet ta wider derte z si. has vermisst... loool am sa si d golden gate, fishermen's wharf und coit tower abgsecklet worde. (bismer de mau vo sac hei chonne abfahre isches zersch mau 4h gange. lut wo nid a californisch lifestyle gwohnt si heisech doch es bitzeli afa ufrege... es git o lut wo aues bis iz chlinschte detail wei plane und ufschribe und wusse obs ize 35 oder 40 meile si... und we nid aues klar isch de warde zersch mau 5000 frage gseut. was mi nar de ufd paume bringt:D)
znacht gasse heimer ir 'stinking rose' es restaurant z little italy wo fur si usgibig chnoblouch konsum bekannt isch. :D
nachdammer us mit biologiosche kampfstoffe ideckt hei isches nar nach Berkeley zur ilana iz apartment gange. u dert hez wage us bestialisch gstunke... am nachschte tag zrug nach SF (mir si im charre fasch gstorbe vor gstank) nb: i bi e Chevy gfahre... 'obmer de wurklech sone 'chline charre' wei...'
cablecars, shoppe ar market, asse ar wharf und nar hei

mo: eifach mau eis hange und am nami gross ga shoppe... loooool

di: old sac (es auts goldgraber dorf in downtown sac), state capitol (em arnie sis huttli), skyscrapers etc

mi: horsetail falls, lake tahoe (suesswasser see mit richtigem sandstrand) und nar znacht im 'swiss chalet'

UND HUT AM MORGE AM 4I UFSTAH FUR DA HUERE FLUGHAFE... HANIMI UFGREGT! WAR STEIT SCHO AM 4I AM MORGE UF... heheheeeee :D:D just kiddin'

fotine sotti irgendeinisch mau druftue... und susch eifach vo mir z aubum verlange....

gueti zit -L

BackInSac!

da waremer wider... es tuet u huere geut wider ume z si... weme nar gseht das scho ide erschte 2 tage mega viu lut verbi chome cho hallo sage. isch eifach geniau.
nachder akunft am mantig nache 14h fluge, 1h warte und 3h zoll isches nar super gsi zersch no schnau opis z asse und nar i schon heiss whirlpool z hocke. isch eifach nume geniau!!!
geschter simer nar e bitz ga latsche (auso eigentlech nume ig), nar heimer emene pitbull womer ider nacht vorhar gfunge hei es neus herrli muesse sueche u am abe simer nar bir betty u bi al (angeri gaschtfamilie woni i mim jahr dane ha gha) zum BBQ iglade gsi. das isch nar ines mittugrosses familiefescht usgartet. het riisig spass gmacht. hani o scho lang numme gha sone richtige BBQ...
hut gomer ize de wider mau ga z standard touri programm ga mache...:S goldmine, coloma state park, chli ga bade i Yuba river... u morn chunnt nar de de Klibi a u de geiz fur ihn meh oder weniger usem fluger dirakt ufd South Fork vom American River... fure If nabebi o... lol wott de dene ihres gejuchze ghore. heheeeeeee
u am fr isch nar di grossi re-union-party wo so zimlech aues iglade isch woni 04/05 hie ha kenne glehrt.

dasmau hani sogar es kabu debi um fotine ufezlade. (oups... das hatti ize nid soue sage)

gueti zit. glg
- Loru

let me be your rainbow leading you to the sun...

da hani doch wider mau chli um iTunes store umegsuecht und dä geil club-song gfunge! Shine on aus Spencer & Hill Remix... steuemer scho ize vor zu dere musig (tiu würdes ehner us ufnahm vomene churzgschlossene keybord beschribe...) der küschte entlang z fahre... (gäu spicher! kennsch ja no vo irgendwohär. mir näme de eifach z outo!)

ja lüt! iz isches ändlech sowit! mir flüge morn id staate u gö e monet lang ga ferie mache. i befürchte zwar dasmer nächär meh ferie bruche aus vorhär. aber lohne wirdsechs sicher!
i gseh ändlech au mini lüt wider u de if lehrtse haut no kenne! lol

e monet lang rafte, feschte, städt aluege, bade, nationalpärk unsicher mache, lüt bsueche, english lehre (hihi gäu if!)

i freuemi uf dütsch gseit wid sou u wirdenech hie chli ufem loufende haute!

greetz wider us Sac
- Löru

Back to the Roots

bon... das wäris dämfau scho gsi mit frankrich... isch ja tou schnäu verbi gange. wi eigentlech aues was spass macht...:( naja. gömer dämfau wider mau. zum bispiu eis ga surfe strub??;)

iz chunnt natürlech z obligate foti-aubum-chläbe... halleluja.

und M.I.G.R.O.S. -> freude herrscht!!! lol


geit ja aber scho bau wider id ferni. dasmau übere teich uf cali!!

Bis denn! Löru

nationalsport der franzosen: streiken!!! (meertruebelichueche!!!)

da bini doch geschter am morge bim busstop gstande und ha gwartet... und gwartet... und gwartet... und irgendeinisch ischmer doch de ufgfaue (bi am morge immer raecht verpennt und bruche mis redbull und mini 2 caffe) das irgendwie so ueberhoupt ke bus chunnt... guet... de latschemer haut 10min zur tramstation. gesagt getan. (us dene 10 si haut de 20 worde wueu dert no sone feine beck gad ume egge isch...) mit gipfeli, schoggibroetli und meertruebelichueche belade hockeni dert ufz baenkli und bi gmuetlech am mampfe wo ploetzlech sone auto-GPS-stimm im stil vo 'sie verlassen das erfasste strassennetz! bitte wenden!' oepis vo 'grève' verzeut. naer ischs no einisch es zitli gange bises bi mir isch acho um was dases eigentlech geit... langsam liecht gnaervt hani z natel fuereghout, es taxi bsteut u mi id schueu la schoffiere. dert acho isch eifach mau gaehnende leeeeeeere gsi! vo mire klass isch gad mau oeper da gsi und vo de leischte villicht oepe 3. iz hei doch di liebe, fruendleche, zuvorkommende bus- und tram-hoschis sech entschide eifach mau so chli spontan z streike und hei demit di ganzi stadt (1mio luet miter aglo) iz chaos gritte. (de taxi-moensche hez passt:-)
inspiriert vo dene fritze und notgedrunge da praktisch ke sou isch ume gsi heimeris dene irere bewegig gad agschlosse, si z 5t ines cafe ghocket und hei o gad gstreikt. u bi dere glaegeheit hani o aendlech mi meertruebelichueche choenne aesse nachdaem mi der taxi-frosch het zaemegschisse wueuni ha mis gipfeli im outo gaesse. si haut aebe franzose. choei ja o nuet defuer;-) bini forh hani keni groesser problem aus mi meertruebelichueche!

und huet streikesi immer no. d chrankeschwoeschtere o. d sans-papiers wo bim staat schaffe gloubs o und d gymnasiaschte si scho dranne siti hie bi. (wiso hei mir das eigentlech nie gmacht?? de haettemer bim wuli wenigschtens mau oepis zum diskutiere gha...) naja. mir soeus ja raecht si. macht z ganze hie no chli interessanter.

huet isch ja eh no e fiirtig bide franzose! dae oder die womer us erschts e post druftuet umer seit um was dases bi daem fiirtig geit dae ueberchunt e flaesche bordeaux! (diraekt dure schwizer zou gschmugglet!)

latez

@doema: ja, i weiss dases gaaanz schwirig isch (sogar richtig komplex!!!) hie e post drufztue. aber ize hesches ja gschafft oder!!! fuer jeglechi frage steue sech suesch de if und d cory gaern zur verfuegig!!

heiss + chaut + arschgeili waeue = Biarritz

so... bi ja aschinend im hingerlig mit mine posts wini us verschidene queue ha verno...lol

was isch so passiert ider letschte wuche?
1. Biarritz isch ultimativ geniau gsi! so richtigs Cali-feeling! da hanimer doch gad es paar shorts muesse zuchetue... het geniau schoeni straend, viu touriste vo ueberauhaer und d sunne isch soumaessig aggressiv! es paari vo ues hei usgseh vie tomate uf steroide! mir si zersch uf Bayonne, sones mittuauterlechs kaff mit chloschter, chiuche, stadtmuur und em angere chabis wome haut het muesse aluege... standard aebe.
mir si naer aui zaeme schnaeu wider im car ghocket und si schlussaendlech dochno z Biarritz acho. ir letschte haubstung heimer aber kollektiv um ueses laebe gfuerchtet, das ider strass oepe meh schlagloecher gha het aus z australie im caracho usse. und d faedereig vom car isch nid die beschti gsi... mir heis oemu ueberlaebt; e pudu wo uese waeg gchruezt het leider nid... lol
dert acho, si di meischte ufd toillettte gsecklet umsech iz bikini bzw id shorts z stuerze und sisech naer ga grille. mis grueppli het schoen brav di 'kulturelle' sache gmacht: hafe, hafe, feuse, hafe, feuse, hafe, feuseund am schluss no sones 'marie sur le rocher' im meer usse. isch aber super schoen gsi und hetsech glohnt!
am 3 simer naer de ono am strand acho. d waeue si arschgeil gsi, z wasser ischig aber der strand fuerig!! perfekte mix auso!! am aber simer naer wider uf dere ruettelpischte heigfahre und naer no i usgang.

2. wy-teschte: witeri erklaerige eruebrige sech!

3. abschluss-aesse miter schwizer-horde mit aschliessendem karaoke singe. (afroman: becaue i got high) das brucht o keni witere erklaerige... lol

4. geschter naer simer no bi eim vo Winthi zum znacht iglade gsi. isch o tou gmuetlech gsi. sini gaschtfamilie isch ider ferie u iz heter a sim letschte abe no devo profitiert.

programm fuer naechscht wuche:
- boetlifahre ufder Garonne (ganz grosses fluss, eh)
- surprise! wy-teschte!
- da das weekend fasch aui abgreist si choeme am maentig horde vo neue. ufde plaen toents nach amis und schwizer... perfekt fuer franz z rede. hehe de chamesech zur abwaechslig wider mau vorsteue. naervt langsam richtig, 'bongschuur, schoe sui lorenz et schoe sui suiss' -> 'oh, I love stockholm!!!' isch ja super!!! ga gloub am mo nid idi erschti stung

sodala. bis gli

@cory: woschmer ja nid saege dassder bi euch hinger viu meh machet aus ig hie oder??? :-P ha hie immer vous programm u chume chuum derzue mi uszruehe! bi totau gstresst!!! und i ueberchume sogar 12 ECTS fuer dae spass!!

Biarritz ich komme!!! (schribtme das eso??)

sodala... ha huet wider mau e degustation gha... hetmer aber dasmau gar nid passt. erschtens heimer sone qrrogante duetsche ir gruppe gha wo z mu nid het zuebracht und geng bloedi frage het gsteut... bismerne naer hei z bode gmotzet.lol iz heter di gsammti schwizer fraktion geagesech ufbracht... und das isch ke gueti idee... zuesatzlech het der eint wy zapfe gha und der ander isch wie aproz-minerauwasser mit holunderbluete-aroma gsi. aso eiduetig gruusig!!!


die wuche steit e trip nach Bayonne und Biarritz ufem programm! das isch zaeme mit hossegor z surf-mekka vo frankrich. mache oemu d badeshorts und z tuechli parat!! wird super! strub, bisch nid der einzig wo cha surfe! heheheeee schickmer es paar waeue!
www.biarritz.fr
www.ripcurl.eu/?men

ueberchume naechscht zuche e aenglaender bi mir iz huus... wo 41i isch!!! super! (isch naebebi ironisch, es soeu ja immer no luet gae wo mit mim humor nid z schlag choeme, gaeu!)

@spicher: chli; pummelig; schnaeu bsoffe *g*; und leider weder jung und knackig no zum erbe geignet...lol

@doema@nica: bim kommentar schribe muesme sech nid amaeude. dir klicket eifach unger uf 'Name/URL', gaebet d buechstabekombination a und scho isches postet...lol 'se tre coplike, cua!!' grinz

auso. huet leider chli churz! mues no Barça:ManU luege... nid dases mi gross wuerdi interessiere. gruppedruck. bis gli
Loeru